Däitsche Kanzler Friedrich Merz seet seng Rees fir d'UN-Generaldebatt zu New York of

Däitschland

Gëschter - 08h32

Däitsche Kanzler Friedrich Merz seet seng Rees fir d'UN-Generaldebatt zu New York of

Seng Presenz zu Berlin wier néideg, heescht et aus däitsche Regierungskreesser. Dofir hätt de Bundeskanzler seng Rees op New York ofgesot. De Friedrich Merz steet jo bannent senger Partei no de rezente schlechte Walresultater vun der CDU ënner Drock.

1 min

Däitsche Bundeskanzler Friedrich Merz (CDU) (Foto: EPA/OLIVIER MATTHYS)

E Sonndeg wëllt hie mat der CDU-Spëtzt iwwer d’Walresultater diskutéieren. Uganks der Woch sinn zu Berlin weider Parteisëtzunge geplangt.

Bei der UN-Generalversammlung gëtt Däitschland elo vum Ausseminister Johann Wadephul vertrueden. Erwaart ginn do och ënner anerem d‘Staats- a Regierungscheffen aus der Ukrain, Frankräich an Israel. Russland a China wäerten net vun hire Staatscheffe vertruede sinn.