Russland hat schonn e Freideg ugekënnegt, datt esou eng Reunioun am November zu Abu Dhabi an de Vereenten Arabeschen Emirater geplangt wier.
Haut huet de Kreml matgedeelt, datt trotz den ugekënnegten 3er-Gespréicher de Krich weidergeet. Dës Annonce géif net bedeiten, datt d‘Militäroperatioune géint d'Ukrain elo géife gestoppt gi bis dohin. Moskau wier awer oppe fir e weideren humanitäre Waffestëllstand.
Ënnerstëtzung fir d'Ukrain?
An de leschte Woche war et zu engem Richtungswiessel komm, wat den US-amerikanesche Support fir d'Ukrain ugeet. Den Donald Trump hat rezent en Diesel-Deal mat dem sanktionéierte Russland ofgeschloss. Iwwerdeems war et zu Aschränkunge komm, wat d’Satellittekommunikatioun a Geheimdéngschtinformatioune fir d’Ukrain ugeet. Och goufen et manner amerikanesch Waffeliwwerungen.
Op wéi enger Säit d'USA den Ament sti bléift deemno onkloer. Den US-President hat e puer mol ugedéit et wier un der Zäit, datt d'Ukrain en neie President kritt.
Treffe vun europäesche Länner zu Paräis
D'EU steet awer weider hannert der Ukrain. Um EU-Sommet dës Mount huet den ukrainesche President Wolodymyr Selenskyj finanziell Mëttel an Héicht vun zousätzleche 70 Milliarden Euro, vu sengen europäeschen Alliéierte, gefuerdert.
D‘Verteidegungsministeren aus Frankräich, Däitschland, Italien, Polen a Groussbritannien zu haut iwwerdeems zu Paräis zesummen. Dobäi geet et virun allem ëm déi weider Ënnerstëtzung vun der Ukrain. Weider Theeme sinn d‘Verteidegung vun Europa an den US-Israeelesche Krich géint den Iran.
