Dat och mat Hëllef vun eenzel Deputéiert, déi een op d'Säit vun der AfD zéie wëllt.
Den Ulrich Siegmund wollt a Sachsen-Anhalt eng absolutt Majoritéit. Déi krut e knapps net – dofir sicht den AfD-Spëtzekandidat elo no Ënnerstëtzung.
"Selbstverständlich trete ich als Ministerpräsident-Kandidat an, wenn es sich abzeichnet, dass wir eine stabile Mehrheit auf den Weg gebracht haben. Das ist heute überhautp nicht absehbar. Deswegen ist es jetzt unser Anspruch, genau diese stabile Mehrheit in den nächsten Tagen, Wochen zu organisieren."
Dat sot den Ulrich Siegmund haut an der Bundespressekonferenz.
AfD wiesselt hir Meenung wat Regéieren ugeet
D’AfD wëll – anescht, wéi virun der Wal annoncéiert – also och da regéieren, wa se op Hëllef vu baussen ugewise wier.
"Wirwerden selbstverständlich Gespräche führen und schauen, ob es einzelne Fraktionen oder einzelne Abgeordnete geben wird, die mit uns gemeinsam diese historische Aufgabe stemmen wollen und die Grundposition, die eine solch erfolgreiche Wahl in Sachsen-Anhalt möglich gemacht haben, mit uns gemeinsam tragen wollen."
Zwou Optioune fir eng AfD-Regierung
D’AfD huet no der Wahl vu gëschter 39 Sëtz am Parlament zu Magdeburg. 42 sinn der fir eng Majoritéit néideg. Et bräicht also dräi Deputéiert, déi d’Säite wiesselen.
Méiglech ass och, datt d’AfD mam BSW zesummeschafft. Dat huet 5 Deputéiert. Zwar wëll d’BSW keng formell Koalitioun mat der AfD, huet awer annoncéiert, verschidde Propose vun der AfD ze supportéieren an am Zweifel d’Wal vun engem AfD-Ministerpresident ze erméiglechen.
CDU-Kanzler Merz wëllt net opginn
De Bundeskanzler Friedrich Merz huet iwwerdeems op d’Néierlag vu senger Partei reagéiert.
"Wir haben es selbstverständlich zu akzeptieren. Das sind die Regeln der Demokratie. Aber mit dem gestrigen Tag hat sich nicht nur in Sachsen-Anhalt etwas verändert, sondern in ganz Deutschland."
De Friedrich Merz huet un d’Bierger vum Land appelléiert, datt déi staatlech Institutioune stabil wieren a sech wiere kéinten. Perséinlech Konsequenze stéinge fir hien net am Raum: Opgi wier keng Optioun, esou de Bundeskanzler.
