Eng 500 Kilometer queesch uechter d'Land stoungen zur Dispositioun, dorënner 100 Kilometer iwwer Stroossen, déi temporär fir de Vëlo reservéiert goufen. 

De Succès vun dësem Joer géif weisen, datt de Vëlo sech ëmmer méi am Alldag vun de Leit als Transportmëttel developpéiert, heescht et am Schreiwes vun der Mobilitéitsministesch Yuriko Backes (DP). De Vëlosummer géif awer och Touristen aus der Grenzregioun an d'Land zéien, ënnersträich de Kulturminister Eric Thill (DP) am Communiqué. 

De Ministère gesäit sech duerch d'Partizipatiounshausse an hirer bis ewell geleeschtener Aarbecht bestätegt. 

Och d'nächst Joer soll ee Vëlosummer vum 17. Juli bis den 22. August organiséiert ginn.