De 46 Joer ale Mann, deen ënner dem Numm "Hermes" bekannt ass, wier eng 50 Kilometer vu Medellín festgeholl ginn, wéi e mat sengem Hond spazéiere gaangen ass. De Mann wier op Demande vu Lëtzebuerg festgeholl ginn, no enger koordinéierter Aktioun vun Europol, Ameripol an der kolumbianescher Police.
D‘Droge waren hei zu Lëtzebuerg an enger Baumaschin verstoppt, déi aus Kolumbien geliwwert gi war, et war eng Rekordquantitéit fir Lëtzebuerg. Si haten e Maartwäert tëschent 80 an 160 Milliounen a sinn zerstéiert ginn.
