Dem Minister no hätt hien d'Patrull vun 22 Auer un ënnert reelle Konditioune begleet. Wann d'Patrull wärend där Zäit fir eng Interventioun geruff gi wier, hätt hien d'Beamten och dobäi begleet.

Recommandatioun vun der Police

Dofir hätt hien op Demande vun der Police an op Recommandatioun vu sengem Sécherheetsagent eng kugelsécher West ugedoen.

De Léon Gloden preziséiert, datt d'Police bei enger Participatioun un enger Patrull ënnert reelle Konditiounen all Persoun géif roden, eng kugelsécher West unzedoen. Jidderee kéint zwar selwer decidéieren, ob en där Recommandatioun nokënnt. Als Policeminister wier et fir hien awer evident gewiescht, dës Recommandatioun ze befollegen.