Eigentlech sollt et am Bundestag haut ëm de Budget vum nächste Joer goen. Mee och well déi rietsextreem AfD als gréissten Oppositiounspartei an der Generaldebatt als éischt dierf schwätzen, stoungen d’Finanzen net am Mëttelpunkt.
"Die Wähler in Sachsen-Anhalt haben es Ihnen in der Sprache des demokratischen Souveräns in aller Klarheit mitgeteilt: Schwarz-Rot ist vorbei."
Dat sot d’AfD-Chefin Alice Weidel.
Merz: "Die absolute Mehrheit haben sie nicht"
No der Wal a Sachsen-Anhalt ass si, wéi och aner AfD-Spriecher, mat vill Confiance opgetrueden an hu virun allem de Bundeskanzler attackéiert. Deen huet sech a senger Ried och un der AfD ofgeschafft.
"Die Wählerinnen und Wähler haben ziemlich deutlich gesprochen, sie haben uns - auch mir - eine ziemlich deutliche Botschaft gegeben. Aber die absolute Mehrheit haben Sie nicht. Und die werden Sie in Deutschland auch nicht erzielen. Nirgendwo in Deutschland werden Sie mit dieser Politik die Mehrheiten bekommen."
Et war eng ugespaante Stëmmung am däitsche Parlament. Ëmmer nees huet d’Parlamentspresidentin Julia Klöckner missen agräifen, wa Riedner gestéiert goufen – virun allem vun den AfD-Deputéierten.
Budget ass nach laang net opgestallt
Den SPD-Fraktiounschef Matthias Miersch huet iwwerdeems d’Parteien dozou opgeruff, vereent géint d’AfD opzetrieden.
"Wie gehen wir miteinander um? Wenn wir uns hier zerlegen, dann gibt es nur eine Gruppe, die sich darüber freut."
De Budget vum nächste Joer ass no dësem Debat am Bundestag nach laang net opgestallt. De Bund muss op ville Plaze Sue spueren, investéiert gläichzäiteg awer an d’Defense an an déi kritesch Infrastruktur, finanzéiert mat Kreditter.
De Bundesrechnungshof, deen de Budget préift, warnt virun enger Scholdefal. D’Land géif iwwer senge Verhältnisser liewen.
