1. Bei der Entreprise Ampacet zu Diddeleng schwätzen den OGBL an d’Direktioun erëm mateneen, dat sot de Stefan Osorio-König vum OGBL haut um 22. Streikdag.
2. D‘Demandë fir Subside fir elektresch Gefierer kënne vun haut un online iwwer myguichet.lu gemaach ginn. Domat soll d’Prozedur fir privat a professionnel Ufroen vereinfacht an d’Beaarbeschtung automatiséiert ginn, esou d‘Ëmweltverwaltung.
3. Autoen, Busser an aner Gefierer an der EU sollen an Zukunft manner ëmwelt- a gesondheetsschiedlech Emissioune verursaachen. D’EU-Memberlänner hu sech zu Bréissel op déi nei Schuedstoffnorm "Euro 7" gëeenegt.
4. De Verpakungsmüll an der EU soll bis 2040 em mindestens 15 Prozent reduzéiert ginn. Dorop hu sech d‘Ëmweltministerinnen a Minister vun den EU-Memberlänner zu Bréissel gëeenegt.
5. Iwwer 19.400 Mënsche wieren zanter dem Krich an der Gazasträif bei israeleschen Attacken ëm d‘Liewe komm. Déi Zuel deelt de palästinensesche Gesondheetsministère, dee vun der Hamas kontrolléiert gëtt haut mat.