100 Prozent Musek vum Bach. Net iergendeng, mee seng weltbekannte “Goldberg-Variatiounen”. Déi presentéiert den Triofenix op sengem neisten Album. Normalerweis héiert een dëst Wierk nëmmen op engem eenzege Piano an hei sinn et einfach direkt dräi Instrumenter gläichzäiteg. D’”Goldberg-Variatioune” ginn andauernd erëm nei entdeckt an nei interpretéiert, an dem Triofenix geléngt et hei och, eng nei Versioun ze kreéieren, déi authentesch Bach ass, an awer trotzdeem neie Wand an dat Ganzt bréngt.