D’Lëtzebuerger Volleksmusek nees méi lieweg a fir e modernen, internationale Public ze adaptéieren, dat huet sech de Projet Authentica un d’Häerz geluecht. Den 12. Februar um 7 Auer owes kann een am Centre des Arts Pluriels Ettelbruck, kuerz CAPE, al Lëtzebuerger Melodien, Legenden a Märercher a verschidde Sproochen héieren a komplett nei interpretéiert. D’Martina Menichetti, ass Sängerin a Flüttistin vum Ensemble Authentica, si recherchéiert an arrangéiert och d’Stécker fir de Concertsprogramm. Als Musekerin lauschtert si Musek aus aller Welt. Dobäi ass hir opgefall, datt all Land seng eege Volleksmusekstraditioun huet an datt déi ëmmer nees moderniséiert gëtt. Sou bleift se vu Generatioun zu Generatioun weiderhi relevant. Eise Plackespiller ass eppes ganz Besonnesches. Drop ze héiere sinn net just zwee Piano Quartetter mat fantasteschem Live Charakter. Nee: Et si gläichzäiteg och zwou Éischtopféierungen aus dem Joer 1902, déi mat spéitromanteschem Charme dohierkommen. Ma dass net just an der Musek deels däitsch oder spuenesch Aflëss dra sinn, mee dës Kulturwuerzelen och am däitschen Trio Lirica a beim spuenesche Pianist Josu de Solaun rëmzefanne sinn, mécht dës Produktioun an déi de Lex Kauffmann mam Christophe Mirkes am Harmonesche Moien eralauschtert, lieweg an authentesch.