Am Lëtzebuerger Land beschäftegt de Romain Hilgert sech mam CSV-Spëtzekandidat Luc Frieden: Ënner dem Luc Frieden als Minister wier d'Schold vum Zentralstaat vu 692 Milliounen Euro op ronn 9,5 Milliarden Euro geklommen.
"Vive le Brésil!", esou huet den David Marques säin Editorial am Quotidien iwwerschriwwen: hie beschäftegt sech mat der rezenter Rees vu Vertrieder vu fënnef Lëtzebuerger Parteien a Brasilien. Den ekologeschen a finanzielle Bilan vun dëser "opération séductioun" en vue vun de Chamberwale géif fir Polemik suergen.
Auslännesch Matbierger musse vum Walrecht bei de Gemengewale Gebrauch maachen: där Meenung ass d'Anne Ludwig am Tageblatt-Editorial mam Titel "Für mehr Demokratie".
D'Zäit vun der Illusioun ass definitiv eriwwer, a Peking wëllt ee Käil tëschent d'Europäesch Unioun an d'USA dreiwen: déi Meenung vertrëtt d'Françoise Hanff am Lëtzebuerger Wort.