Déi ëffentlech Petitioun fir e Verfassungsreferendum krut bis de Moie ronn 18.300 Ënnerschrëften. D'CSV wëllt sech fir e Referendum asetze bei 25.000 Ënnerschrëften. Bis Mëtternuecht kann een nach ënnerschreiwen
Den Europäesche Gewerkschaftsbond schléit Alarm: Fir de Loyer ze bezuele misste Mindestloun-Empfänger an eelef EU Länner méi wéi 40 Prozent, an zu Lëtzebuerg méi wéi d'Hallschent vun hirer Pai ausginn
An Däitschland ass de Inzidenz-Taux vun de Corona-Nei-Infektiounen op deen héchste Stand zanter dem Ufank vun der Pandemie geklommen, mat 201 positive Fäll pro 100.000 Awunner iwwer siwen Deeg, esou de Robert Koch Institut
D'USA hunn d'Grenzen no 20 Méint Restriktiounen nees opgemaach. EU-Auslänner dierfen nees an d'USA reesen, wa se komplett geimpft sinn
An Éisträich ass vun haut un d'Corona-2G-Reegel a Kraaft
Op der Weltklimakonferenz zu Glasgow ginn d'Verhandlungen an déi zweet an decisiv Woch