Logement bleift de Leit hir gréisste Suerg zu Lëtzebuerg

Politmonitor

09.07.2026 - 07h09

Logement bleift de Leit hir gréisste Suerg zu Lëtzebuerg

Dat geet aus dem neie Politmonitor vun Ilres am Optrag vun RTL an dem Lëtzebuerger Wort ervir. 70 Prozent vun de Leit maache sech Suergen iwwer den Zougang zu bezuelbarem Wunnraum. Da maachen d'Leit sech awer och Suergen iwwer déi aktuell Situatioun op der Welt.

1 min

(Foto: Max Bauerfeind/Bigstock)

Op déi 3. Plaz kënnt de Verkéier, woubäi do éischter déi eeler Leit sech Suerge maachen. Da kënnt de Klimawandel an de Rietsextremismus.

Tripartite positiv ukomm

D‘Tripartiteverhandlunge si gutt bei de Leit ukomm. Bal d‘Hallschent vun de Befroten am Politmonitor sinn zefridden iwwer d‘Manéier, wéi de Premier Luc Frieden d‘Verhandlunge geféiert huet, bal een Drëttel sinn awer net esou zefridden. Trotzdeem huet den CSV-Premier am perséinleche Ranking keng Plaz gewonnen.