D’OGBL-Presidentin Nora Back an den UEL-President Michel Reckinger hunn no der Sëtzung vun engem konstruktiven Echange geschwat, och wann der Gewerkschaftlerin no d’Positioune bei där Aarbechtszäitorganisatioun wäit ausenee géife leien.

De Patronatvertrieder huet dogéint fonnt, datt een op verschiddene Punkte scho weiderkomm wier.

De Minister wëllt sengersäits bis Allerhellegen op dem Punkt substanziell virukommen an eventuell dëst Joer nach legiferéieren, wat d’Nora Back als een optimisteschen Szenario beschriwwen huet. Iwwer d'Plattformaarbecht gouf haut nach net geschwat.